ปุคละญิงชายฝูงใดเกิดปี๋เหม้า เปิ้งกระต่ายลงด้วยธาตุน้ำ จุธาตุเจ้าแช่แห้ง แต่เก๊าหัวตีนั้นได้อาศรัยอยู่ตี่ต้นไม้จุมปูมีไก่และงูรักษาอยู่ได้ฟู่อู้เจี๋ยรจ๋ากั๋นว่าดูราเจ้ากูราจักมาอยู่ร่วมกั๋นตี่นี้ก็บ่ห่อนจักกวรแต๊และด้วยเหตุว่าพยาธิโรคาจักคาจักมาบีบเบียนแก่เราแต๊แล เหตุนั้นเรากวรจักไปเอากำเนิดตี่คนตังหลายปุ้นเต๊อะ หลอนว่าปายลูนมามีภัยยะโรคามาบังเกิดแก่เราก็ดีดั่งอั้น ก็จักเอาเครื่องปู๋จามาปู๋จา แล้วหื้อสูเจ้าตังหลายจุ่งได้รับเอาไปเต๊อะ กันว่าเจี๋ยรจ๋ากั๋นสันนั้นแล้วก็ได้มาเอากำเนิดในคัพภะมารดาแห่งต๋น จิ่งได้เกิดมาเป๋นคนญิงจายตังหลายนี้แลฯ

หื้อได้ไหว้พระเจ้าแช่แห้งว่า

" มาตุภูตา อตุรานุภาจิรัง บติฏฐานันทกัปปัฏฐาปุเร เทเว คุตตา

วรพุทธธาตุจิรัง วันทามิ นัตตัง ชินธาตุ เสฏฐา อหัง วันทามิ ทุรโตฯ "

สร้างธรรมเนมิราชเป็นธรรมจาตาเป็นตานฯ ยอกทานให้สร้างปราสาทเป็นทานเต๊อะฯ

คนเกิดปีเหม้า ธาตุน้ำสิริตกอยู่ตี่บ่าซ้ายของพรหม พุธเป็นปากมักอู้จ๋าเป็นที่ถูกใจ ผู้อื่น แต่มักเป็นคนประจบสอพลอ

ศุกร์เป็นใจ ใจมักง่ายเป็นคนมักโกรธง่ายหายเร็ว และมีใจไม่ค่อยหนักแน่น จันทร์เป็นที่นั่ง เป็นคนมักมากในการมณ์

พฤหัสกับเสาร์เป็นมือเป็นคนทำงานเรียบร้อยดี ถ้าเป็นหญิงมีเสน่ห์ต่อเพศตรงข้าม จะได้ผัวเป็นคนตาเหล่ฯ

อาทิตย์กับอังคารเป็นเท้า เป็นคนชอบเที่ยวอยู่เสมอๆอยู่ไม่เป็นที่แต่มีประสบการณ์ดี ได้ร่วมกับเจ้าเนมิราช ยามเมื่ออายุยังน้อยมีความสุข ป๋านกลางได้ลำบากหนหนึ่ง ปายลูนจักได้สมบัติของเก่าปายหลังได้มีความสุข เป็นผู้มีอายุยืนพอปานกลางแลฯ